श्री.नंदकिशोर

**भेट**
दुर केव्हा उडून गेली अशी
डोळ्यादेखत माझी  पाखरे
परतूनी या एकदातरी
लागली घरट्याला आस रे !

पंखात तुमच्या बळ यावं
म्हणून करूणा भाकली रे
उंच घेताच झेप तुम्ही
घरट्याला विसरले का रे ?

काडी काडी जमा करून
तुम्हासाठीच घर सजविलं
जीवनाच्या प्रत्येक क्षणी
प्रेमच तुमच्यात रूजविलं !

केव्हा सुटेल वादळ वारा
नाही आता भरवसा काही
घरटं कधी उडून जाईल
नाही याचा भरवसा काही !

एकदाच  शेवटचं पिल्लांनो
घराकडे जरा उडून या
त्राण पंखातील जाण्यापूर्वी
आनंदाने एक भेट द्या !
🌹पी.नंदकिशोर 🌹
आकोट 9850681198
04-04-2016